അമേരിക്കയിലെ ഹൂസ്റ്റണില്‍ ആസ്ട്രോ വേള്‍ഡ് മ്യൂസിക് ഫെസ്റ്റിലുണ്ടായ തിക്കിലുംതിരക്കിലും പെട്ട് എട്ടുപേര്‍ മരിച്ചു. മുന്നൂറിലധികം പേര്‍ക്ക് പരിക്കേറ്റു. സംഗീത പരിപാടിയുടെ ആദ്യ ദിവസമായ വെള്ളിയാഴ്ച രാത്രി 9 മണിയോടെയായിരുന്നു അപകടം.
റാപ്പര്‍ ട്രാവിസ് സ്‌കോട്ടിൻറെ സംഗീത പരിപാടി വേദിയില്‍ നടക്കവേ ആരാധകര്‍ വേദിയിലേക്ക് തള്ളിക്കയറാന്‍ ശ്രമിക്കുകയായിരുന്നു, തുടര്‍ന്നുണ്ടായ തിക്കിലും തിരക്കിലുമാണ് അപകടമുണ്ടായത്. 50,000 പേരാണ് പരിപാടിയില്‍ പങ്കെടുത്തത്.17 പേരെ അഗ്‌നിരക്ഷാസേന ആശുപത്രിയിലെത്തിച്ചെങ്കിലും 11 പേര്‍ക്കും ഹൃദയാഘാതം സംഭവിച്ചിരുന്നതായി അധികൃതര്‍ അറിയിച്ചു. ദുരന്തത്തിൻറെ പശ്ചാത്തലത്തില്‍ രണ്ടാം ദിവസത്തെ പരിപാടി റദ്ദാക്കി.
