ട്രാവന്‍കൂര്‍ ഷുഗേര്‍സ് ആന്‍റ് കെമിക്കല്‍സ് സ്പിരിറ്റ് മോഷണ കേസില്‍ പ്രതികളെ പൊലീസ് കസ്റ്റഡിയില്‍ വിട്ടു. ജില്ലാ ക്രൈംബ്രാഞ്ചിന് കേസ് അന്വേഷണ ചുമതല കൈമാറി. കേസില്‍ അറസ്റ്റിലായ ഡ്രൈവര്‍മാരായ നന്ദകുമാര്‍ , സിജോ തോമസ് ട്രാവന്‍കൂര്‍ ഷുഗേര്‍സ് ആന്‍റ് കെമിക്കല്‍സ് ജീവനക്കാരന്‍ അരുണ്‍ കുമാര്‍ എന്നിവരെയാണ് പോലീസ് കസ്റ്റഡിയില്‍ വിട്ടത്‌.
ട്രാവന്‍കൂര്‍ ഷുഗേഴ്സിലെ സ്പിരിറ്റ് മോഷണത്തില്‍ ജന. മാനേജരടക്കം ഉന്നത ഉദ്യോഗസ്ഥര്‍ പ്രതികളായതോടെ ആശയക്കുഴപ്പത്തിലായിരുന്നു പൊലീസ്. പിന്നാലെ പൊലീസ്, എക്സൈസ് അന്വേഷണ സംഘങ്ങളുടെ പ്രാഥമിക റിപ്പോര്ട്ട് വന്നതോടെയാണ് പുതിയ സoഘത്തിലേക്ക് അന്വേഷണ ചുമതല എത്തിയത്.
ഡിവൈഎഫ്‌ഐ വി.ജെ ജോഫിക്കാണ് ടീമിന്‍റെ ചുമതല. പുളിക്കീഴ് മുന്‍ സി.ഐ ബിജു വി നായരെയും അന്വേഷണ സംഘത്തില്‍ ഉള്‍പ്പെടുത്തും. ജില്ലാ പൊലീസ് മേധാവി ആര്‍ നിശാന്തിനി അന്വേഷണത്തിന് മേല്‍നോട്ടം വഹിക്കും.
തിരുവല്ല ഡിവൈഎസ്പിയെ ടീമില്‍ നിന്ന് ഒഴിവാക്കുകയും ചെയ്തു. പ്രതികളുമായി പൊലീസ് ഇന്നു വൈകിട്ടോ, നാളെയുമായോ മധ്യ പ്രദേശ് അടക്കമുള്ള സ്ഥലങ്ങളില്‍ തെളിവെടുപ്പിനായി പുറപ്പെടും.
