ന്യൂഡൽഹി: മുംബൈ ടെസ്റ്റ് മത്സരത്തിൽ ടീം ഇന്ത്യ വളരെ ശക്തമായ നിലയിലാണ് ഈ മത്സരത്തിൻറെ രണ്ട് ഇന്നിംഗ്സുകളിലും മായങ്ക് അഗർവാളിൻറെ ബാറ്റിംഗ് മികച്ചതായിരുന്നു, അതുപോലെ തന്നെ സാഹചര്യത്തിനനുസരിച്ച് മികച്ച കളിയും അദ്ദേഹം കാഴ്ച്ചവെച്ചു. ആദ്യ ഇന്നിംഗ്‌സിൽ മായങ്ക് അഗർവാൾ സെഞ്ച്വറി നേടിയപ്പോൾ രണ്ടാം ഇന്നിംഗ്‌സിൽ അർദ്ധ സെഞ്ച്വറി നേടിയിരുന്നു. അദ്ദേഹത്തിൻറെ ഇന്നിംഗ്‌സിൻറെ അടിസ്ഥാനത്തിൽ ഇന്ത്യൻ ടീം ന്യൂസിലൻഡിന് 540 റൺസിൻറെ വലിയ വിജയലക്ഷ്യം നൽകി.
മുംബൈ ടെസ്റ്റിലെ രണ്ട് ഇന്നിംഗ്‌സുകളുടെയും കരുത്തിൽ വാങ്കഡെ സ്റ്റേഡിയത്തിൽ ന്യൂസിലൻഡിനെതിരായ ടെസ്റ്റ് മത്സരത്തിൽ ഇന്ത്യക്കായി ഏറ്റവും കൂടുതൽ റൺസ് നേടുന്ന ആദ്യ ബാറ്റ്‌സ്മാനായി മായങ്ക് അഗർവാൾ. നേരത്തെ ഈ റെക്കോർഡ് സുനിൽ ഗവാസ്‌കറിൻറെ പേരിലായിരുന്നു, 1976ലാണ് അദ്ദേഹം ഈ നേട്ടം കൈവരിച്ചത്. മുംബൈ ടെസ്റ്റ് മത്സരത്തിൻറെ ആദ്യ ഇന്നിംഗ്‌സിൽ 150 റൺസ് നേടിയ മായങ്ക് രണ്ടാം ഇന്നിംഗ്‌സിൽ 62 റൺസാണ് നേടിയത്. അതായത് രണ്ട് ഇന്നിംഗ്‌സും ചേർന്ന് 212 റൺസ് നേടി. അതേസമയം, ഈ സ്റ്റേഡിയത്തിൽ കിവി ടീമിനെതിരെ ഒരു ടെസ്റ്റിലെ ഏറ്റവും ഉയർന്ന വ്യക്തിഗത സ്‌കോർ എന്ന റെക്കോർഡും മായങ്കിൻറെ പേരിലായി.
