സാൻ അന്റോണിയോ : അമേരിക്കയിലെ സൗത്ത് ടെക്‌സാസിൽ ഞെട്ടിക്കുന്ന ഒരു വാർത്തയാണ് പുറത്ത് വന്നിരിക്കുന്നത്. സാൻ അന്റോണിയോയിൽ ഒരു ട്രക്കിൽ 46 പേരുടെ മൃതദേഹങ്ങൾ കണ്ടെത്തി. എല്ലാ ആളുകളും കുടിയേറ്റക്കാരാണെന്ന് പറയപ്പെടുന്നു. ട്രക്കിലുണ്ടായിരുന്ന മറ്റ് 16 പേരെ ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചതായി അധികൃതർ അറിയിച്ചു. സംഭവം പുറത്തറിഞ്ഞതോടെ സംഘർഷം ഉടലെടുത്തിട്ടുണ്ട്.
ചൂട് കാരണം സ്ഥിതി കൂടുതൽ വഷളായതായി അഗ്നിശമനസേനാ മേധാവി ചാൾസ് ഹുഡ് പറഞ്ഞു. 12 മുതിർന്നവരെയും നാല് കുട്ടികളെയും ആശുപത്രിയിൽ പ്രവേശിപ്പിച്ചു. അവരുടെ ശരീരം ചൂടിൽ എരിയുന്നതായും നിർജ്ജലീകരണം സംഭവിച്ചതായും അദ്ദേഹം പറഞ്ഞു. ട്രക്കിൽ വെള്ളമില്ലായിരുന്നു. കേസിൽ മൂന്ന് പ്രതികളെ കസ്റ്റഡിയിലെടുത്തതായി പൊലീസ് അറിയിച്ചു.
ഒരു പ്രാദേശിക ടിവി ചാനൽ റിപ്പോർട്ട് അനുസരിച്ച്, സാൻ അന്റോണിയോയിലെ റെയിൽവേ ട്രാക്കിന് സമീപം സംശയാസ്പദമായ ഒരു ട്രക്ക് പാർക്ക് ചെയ്തതായി കണ്ടെത്തി. വാഹനം പരിശോധിച്ചതിൽ നിരവധി മൃതദേഹങ്ങൾ കണ്ടെത്തി. വാഹനത്തിൻറെ ഡ്രൈവർ ഒളിവിലാണെന്നാണ് സൂചന.
തൻറെ ഉദ്യോഗസ്ഥർ സംഭവസ്ഥലത്തേക്ക് പോയതായി മെക്സിക്കൻ വിദേശകാര്യ മന്ത്രി മാർസെലോ എബ്രാർഡ് പറഞ്ഞു. മരിച്ചവർ എവിടെനിന്നുള്ളവരാണെന്ന് അറിവായിട്ടില്ല. ഇവരെ തിരിച്ചറിഞ്ഞുവരികയാണ്. മരണകാരണം ഇതുവരെ കണ്ടെത്താനായിട്ടില്ല. നിലവിൽ വിഷയം അന്വേഷിക്കുകയാണ്.
