അഹമ്മദാബാദ് : ഗുജറാത്തിലെ പാട്ടിദാർ സമുദായത്തിൽ നിന്നുള്ള ഹാർദിക് പട്ടേൽ ഉടൻ ബിജെപിയിൽ ചേരും. ജൂൺ രണ്ടിന് ഹാർദിക് പട്ടേൽ ബിജെപിയിൽ ചേരുമെന്ന് എഎൻഐ റിപ്പോർട്ട് ചെയ്യുന്നു. അടുത്തിടെ അദ്ദേഹം കോൺഗ്രസിൽ നിന്ന് രാജിവെച്ചിരുന്നു. കോൺഗ്രസിൽ നിന്ന് രാജിവെച്ച് ഹാർദിക് ബിജെപിയിൽ ചേരുമെന്ന് അഭ്യൂഹങ്ങളുണ്ടായിരുന്നു.
ഗുജറാത്ത് നിയമസഭാ തെരഞ്ഞെടുപ്പിൽ ബിജെപി ടിക്കറ്റിൽ മത്സരിക്കുമെന്ന് ഹാർദിക് കഴിഞ്ഞ ആഴ്ചയും സൂചിപ്പിച്ചിരുന്നു. മെയ് 18ന് തന്നെ കോൺഗ്രസ് പാർട്ടിയുടെ വർക്കിംഗ് പ്രസിഡന്റ് സ്ഥാനവും പ്രാഥമിക അംഗത്വവും ഹാർദിക് രാജിവെച്ചിരുന്നു. കോൺഗ്രസിൽ നിന്ന് രാജിവെച്ചതിന് ശേഷം അദ്ദേഹം പറഞ്ഞിരുന്നു, ‘ഞാൻ കോൺഗ്രസ് പാർട്ടിയുടെ സ്ഥാനവും പാർട്ടിയുടെ പ്രാഥമിക അംഗത്വവും ധീരമായി രാജിവെക്കുന്നു. എൻറെ തീരുമാനത്തെ എൻറെ എല്ലാ സഹപ്രവർത്തകരും ഗുജറാത്തിലെ ജനങ്ങളും സ്വാഗതം ചെയ്യുമെന്ന് എനിക്ക് ഉറപ്പുണ്ട്. എൻറെ ഈ ചുവടുവെപ്പിന് ശേഷം ഭാവിയിൽ ഗുജറാത്തിന് വേണ്ടി നല്ല രീതിയിൽ പ്രവർത്തിക്കാൻ എനിക്ക് കഴിയുമെന്ന് ഞാൻ വിശ്വസിക്കുന്നു.
ജൂൺ രണ്ടിന് ഹാർദിക് പട്ടേൽ ബിജെപിയിൽ ചേരുമെന്ന് അദ്ദേഹം എഎൻഐയോട് സ്ഥിരീകരിച്ചു. അടുത്തിടെ അദ്ദേഹം കോൺഗ്രസ് വിട്ടിരുന്നു. കോൺഗ്രസ് വിട്ടതിന് ശേഷം ഹാർദിക് പട്ടേൽ തുടർച്ചയായി പാർട്ടിയെ ആക്രമിക്കുകയാണ്. കോൺഗ്രസ് ഇടക്കാല അധ്യക്ഷ സോണിയ ഗാന്ധിക്ക് കത്തെഴുതി പാർട്ടിയുടെ നയങ്ങളെ കുറിച്ച് അദ്ദേഹം ചോദ്യങ്ങൾ ഉന്നയിച്ചിരുന്നു. കേന്ദ്രത്തിനെതിരായ രാഷ്ട്രീയത്തിൽ കോൺഗ്രസ് ഒതുങ്ങിപ്പോയെന്ന് ഹാർദിക് പറഞ്ഞിരുന്നു. ഇതിനപ്പുറം, ഒരു നയമോ ഒന്നും ചെയ്യാനില്ല. ഗുജറാത്തിലെ ജനങ്ങളെക്കുറിച്ചും അവരുടെ പ്രശ്‌നങ്ങളെക്കുറിച്ചും പാർട്ടിക്ക് ആശങ്കയില്ലെന്നും ഹാർദിക് ആരോപിച്ചിരുന്നു. പാർട്ടി നേതാക്കൾ തന്നെ പ്രശ്‌നങ്ങൾ നേർപ്പിക്കാനുള്ള പണിയാണ് നടത്തുന്നത്.
ഹാർദിക് പട്ടേൽ കോൺഗ്രസിനോട് ഏറെ നാളായി അമർഷത്തിലായിരുന്നു. തൻറെ അതൃപ്തിയുടെ കാരണം ഹാർദിക് കോൺഗ്രസ് ഹൈക്കമാൻഡിനോട് പറഞ്ഞിരുന്നെങ്കിലും അത് അവഗണിക്കപ്പെട്ടു. കോൺഗ്രസ് വർക്കിംഗ് പ്രസിഡന്റ് സ്ഥാനത്തുനിന്നും ട്വിറ്റർ ഹാൻഡിൽ നിന്നും ഹാർദിക് തൻറെ പേര് നീക്കം ചെയ്തിരുന്നു.
