സ്‌പെയിനിലെ കോവിഡ്-19 പ്രവേശന നിയന്ത്രണങ്ങള്‍ ജൂണ്‍15 വരെ നീട്ടി

Business Covid Headlines Spain Tourism

മാഡ്രിഡ് : കോവിഡ് 19 പ്രവേശന നിയന്ത്രണങ്ങള്‍ ജൂണ്‍ 15 വരെ നീട്ടിയതായി പ്രഖ്യാപിച്ച് സ്‌പെയിന്‍. സ്പാനിഷ് ആഭ്യന്തര മന്ത്രാലയം കഴിഞ്ഞ ദിവസം പുറത്തിറക്കിയ പത്രക്കുറിപ്പിലാണ് ഇത് സംബന്ധിച്ച വിവരങ്ങളുള്ളത്. കര, വ്യോമ, കടല്‍ മാര്‍ഗ്ഗങ്ങളിലൂടെ സ്‌പെയിനിലേക്ക് പ്രവേശിക്കുന്ന എല്ലാവര്‍ക്കും ഇത് ബാധകമാവും.

ഉത്തരവ് പ്രകാരം EU/EEA രാജ്യങ്ങളില്‍ നിന്നും സ്‌പെയിനിലേക്ക് പ്രവേശിക്കുന്ന 12 വയസ്സിന് മുകളില്‍ പ്രായമുള്ള മുഴുവന്‍ ആളുകളും കഴിഞ്ഞ ഒമ്പത് മാസത്തിനിടെ വാക്‌സിനേഷന്‍ പൂര്‍ത്തിയാക്കിയതിൻറെ രേഖ, കോവിഡ് രോഗമുക്തി തെളിയിക്കുന്ന രേഖ, സ്‌പെയിനിലേക്ക് യാത്ര തിരിക്കുന്നതിന് 48 മുതല്‍ 72 മണിക്കൂറിൻറെ ഉളളില്‍ നടത്തിയ കോവിഡ് ആന്റിജന്‍/ പിസിആര്‍ നെഗറ്റീവ് പരിശോധന ഫലം എന്നിവയില്‍ ഏതെങ്കിലും കയ്യില്‍ കരുതണം.

അതേസമയം EU/EEA രാജ്യങ്ങള്‍ക്ക് പുറത്തുനിന്നുള്ളവര്‍ക്ക് വാക്‌സിനേഷന്‍/രോഗമുക്തി സര്‍ട്ടിഫിക്കറ്റ് കൈവശമുണ്ടെങ്കില്‍ മാത്രമേ സ്‌പെയിനിലേക്ക് പ്രവേശിക്കാന്‍ കഴിയുകയുള്ളു. ഇവരില്‍ 12 മുതല്‍ 18 വയസ്സു വരെ പ്രായമുള്ളവര്‍ക്ക് കോവിഡ് ടെസ്റ്റ് റിസള്‍ട്ട് കൈവശമുണ്ടെങ്കിലും രാജ്യത്തേക്ക് പ്രവേശിക്കാം.