ജമ്മു: ദക്ഷിണ കശ്മീരിലെ കുൽഗാം ജില്ലയിൽ വരുന്ന ഹസൻപോറ മേഖലയിൽ ഞായറാഴ്ച ഉച്ചയ്ക്ക് സുരക്ഷാ സേനയും ഭീകരരും തമ്മിൽ ഏറ്റുമുട്ടൽ. രണ്ടോ മൂന്നോ ഭീകരരെ സുരക്ഷാസേന വളഞ്ഞിരിക്കുകയാണ്. ഇരുഭാഗത്തുനിന്നും ഇടയ്ക്കിടെ വെടിവെയ്പ്പ് നടക്കുന്നുണ്ട്. സുരക്ഷാ സേന ആദ്യം ഭീകരർക്ക് കീഴടങ്ങാൻ അവസരം നൽകിയെങ്കിലും ഭീകരർ സമ്മതിക്കാതെ സൈനികർക്ക് നേരെ വെടിയുതിർക്കുകയായിരുന്നു. ഇതിന് പിന്നാലെ സൈനികരും തിരിച്ചടി ആരംഭിച്ചിട്ടുണ്ട്. ഈ ഏറ്റുമുട്ടലിനെക്കുറിച്ച് ഇതുവരെ ഔദ്യോഗികമായി വിവരങ്ങളൊന്നും ലഭിച്ചിട്ടില്ല.
ലഭിച്ച വിവരം അനുസരിച്ച്, ഞായറാഴ്ച ഉച്ചയോടെ, ദക്ഷിണ കശ്മീരിലെ കുൽഗാമിൽ ഹസൻപോര മേഖലയിൽ ചില ഭീകരരുടെ പ്രവർത്തനങ്ങളെക്കുറിച്ച് സുരക്ഷാ സേനയ്ക്ക് വിവരം ലഭിച്ചു. ഭീകരർ എന്തെങ്കിലും സംഭവം നടത്താൻ തയ്യാറെടുക്കുകയായിരുന്നു. വിവരം ലഭിച്ചയുടൻ ലോക്കൽ പോലീസിൻറെ യും സൈന്യത്തിൻറെ യും അർദ്ധസൈനിക വിഭാഗത്തിൻറെ യും ഉദ്യോഗസ്ഥർ സൂചിപ്പിച്ച പ്രദേശത്ത് തിരച്ചിൽ ആരംഭിച്ചു. ഭീകരർ സുരക്ഷാസേനയെ എല്ലാ ഭാഗത്തുനിന്നും വളഞ്ഞപ്പോൾ അവർ വെടിയുതിർക്കുകയായിരുന്നു. ആദ്യം ആയുധം താഴെയിടാൻ സുരക്ഷാ സേന ആവശ്യപ്പെട്ടെങ്കിലും ഭീകരർ സമ്മതിക്കാതെ വന്നതോടെ ചുറ്റുമുള്ളവരെ സുരക്ഷിതമാക്കിയ ശേഷം സൈനികർ ആക്രമണം തുടങ്ങി. വളയപ്പെട്ട ഭീകരർ ഏത് ഭീകരസംഘടനയിൽപ്പെട്ടവരാണെന്ന് ഇതുവരെ അറിവായിട്ടില്ല. ഭീകരർക്കെതിരെ സുരക്ഷാസേനയുടെ ഓപ്പറേഷൻ തുടരുകയാണ്. ഓപ്പറേഷൻ കഴിഞ്ഞതിന് ശേഷമേ ഇതുമായി ബന്ധപ്പെട്ട വ്യക്തമായ വിവരങ്ങൾ പൊലീസ് അറിയിക്കുകയുള്ളൂ.
